નદીની રેતમાં રમતું નગર મળે ન મળે,

   

નદીની રેતમાં રમતું નગર મળે ન મળે,

ફરી આ દ્રશ્ય સ્મૃતિપટ ઉપર મળે ન મળે.

ભરી લો શ્વાસમાં એની સુગંધનો દરિયો,

પછી આ માટીની ભીની અસર મળે ન મળે.

પરિચિતોને ધરાઈને જોઈ લેવા દો,

આ હસતા ચહેરા; આ મીઠી નજર મળે ન મળે.

ભરી લો આંખમાં રસ્તાઓ, બારીઓ, ભીંતો,

પછી આ શહેર, આ ગલીઓ, આ ઘર મળે ન મળે.

રડી લો આજ સંબંધોને વીંટળાઈ અહીં,

પછી કોઈને કોઈની કબર મળે ન મળે.

વળાવા આવ્યા છે એ ચ્હેરા ફરશે આંખોમાં,

ભલે સફરમાં કોઈ હમસફર મળે ન મળે.

વતનની ધૂળથી માથુ ભરી લઉં ‘આદિલ’,

અરે આ ધૂળ પછી ઉમ્રભર મળે ન મળે.

 

- Loveable Poet                                   Give Comment

સાગર પૂછે રેતી ને,તને ભીંજવુ કે કેમ?

    

સાગર પૂછે રેતી ને,તને ભીંજવુ કે કેમ?

રેતી મન માં રોઈ પડી,આમ કઈ પુછી પુછી ને થતો હશે પ્રેમ?

તમારું સ્મિત બની લહેરાઇ જાવાનું મને ગમશે,

તમારાં આંસુ થઇ લૂંછાઇ જવાનું મને ગમશે.

તમારી શેરીમાં આવીને પહેલા જોઇ લઉં તમને,

ગમે ત્યાં એ પછી ફંટાઇ જાવાનું મને ગમશે.

જગતમાં એમ તો હું ક્યાંય રોકાતો નથી કિન્તુ,

તમે જો રોકશો, રોકાઇ જાવાનું મને ગમશે.

પ્રતિબિંબો તમારાં જો ન દેખાડી શકું તમને,

તો દર્પણ છું છતાં તરડાઇ જાવાનુ મને ગમશે.

જગતમાં હું તો મોટા માનવીના નામ જેવો છું,

કોઇ પાષાણમાં અંકાઇ જાવાનું મને ગમશે.

તમે રડશો છતાં દફનાઇ જાવાનું જ છે 'બેફામ',

પરંતુ હસશો તો દફનાઇ જાવાનું મને ગમશે

- Loveable Poet                                   Give Comment

પ્રભુંએ પણ કેવી અટ્ટુટતા આપી

    

આભાર તારો કે આવી મિત્રતા આપી,

આપણા સંબંધમાં કેવી સુંદરતા આપી,

દુનિયામાં લોહીના સંબંધ પણ તુટીં જાય છે,

પણ મને દોસ્તીમાં પણ કેવી પવિત્રતા આપી...

કોઇ પણ વાત કહી શકીએ છીએ એક-બીજાને,

મિત્ર તે દુઃખ દુર કરવાની કેવી સત્ત્તા આપી,

નહિ છોડી શકીએ આ મિત્રતાને કોઇ પણ રીતે,

આપણા સંબંધમાં પ્રભુંએ પણ કેવી અટ્ટુટતા આપી

- Loveable Poet                                   Give Comment

दोस्तो से है,

   

बहुत दिन हुए वो तूफ़ान नही आया,

उस हसीं दोस्त का कोई पैगाम नही आया,

सोचा में ही कलाम लिख देता हूँ,

उसे अपना हाल- ए- दिल तमाम लिख देता हूँ,

ज़माना हुआ मुस्कुराए हुए,

आपका हाल सुने... अपना हाल सुनाए हुए,

आज आपकी याद आई तो सोचा आवाज़ दे दूं,

अपने दोस्त की सलामती की कुछ ख़बर तो ले लूं

    

खुशी भी दोस्तो से है,

गम भी दोस्तो से है,

 

तकरार भी दोस्तो से है,

प्यार भी दोस्तो से है,

 

रुठना भी दोस्तो से है,

मनाना भी दोस्तो से है,

  

बात भी दोस्तो से है,

मिसाल भी दोस्तो से है,

 

नशा भी दोस्तो से है,

शाम भी दोस्तो से है,

 

जिन्दगी की शुरुआत भी दोस्तो से है,

जिन्दगी मे मुलाकात भी दोस्तो से है,

 

मौहब्बत भी दोस्तो से है,

इनायत भी दोस्तो से है,

 

काम भी दोस्तो से है,

नाम भी दोस्तो से है,

  

ख्याल भी दोस्तो से है,

अरमान भी दोस्तो से है,

  

ख्वाब भी दोस्तो से है,

माहौल भी दोस्तो से है,

  

यादे भी दोस्तो से है,

मुलाकाते भी दोस्तो से है,

  

सपने भी दोस्तो से है,

अपने भी दोस्तो से है,

  

या यूं कहो यारो,

अपनी तो दुनिया ही दोस्तो से ..

 

- Loveable Poet                                   Give Comment

મિત્ર તરીકે તમે મને મળી ગયા...

      

એક વાર સૃષ્ટીના રચયીતા મારા પર પ્રસન્ન થયા

માંગ... માંગ... માંગે તે આપું.."

મે કહ્યુ "તમારી સૌથી સુંદર રચના બનાવીને આપો."

તરત જ એમણે કામ શરૂ કર્યું.....

     

ધરતી પાસેથી એમણે ગંભીરતા લીધી

અને ઝરણા પાસેથી ચંચળતા...

કોયલ પાસેથી એમણે કંઠ લી઼ધો

અને હંસ પાસેથી સુંદરતા...

સુર્ય પાસેથી એનો ઉજાસ લીધો

અને ચંદ્ર પાસેથી શીતળતા....

મોર પાસેથી એમણે કળા લીધી

અને ફુલ પાસેથી કોમળતા....

સાગર પાસેથી એમણે ગહેરાઈ લીધી

અને હિમાલય પાસેથી ઉત્તુંગતા....

પવન પાસેથી એમણે પ્રેમ લીધો

અને મદીરા પાસેથી મદહોશતા....

વૃક્ષ પાસેથી એમણે સાધના લીધી

અને ડાળીઓ પાસેથી લચકતા....

ભમરા પાસેથી એમણે ગુંજન લીધુ

અને બુલબુલ પાસેથી શરમાળતા...

આ બધાને ઉમેરી રચયીતાએ એક ભેટ તૈયાર કરી...

અને જુઓ... મિત્ર તરીકે તમે મને મળી ગયા...

- Loveable Poet                                   Give Comment

નયનથી નયન જુઓ ને કેવા ટકરાઇ જાય છે,

    

નયનથી નયન જુઓ ને કેવા ટકરાઇ જાય છે,

છતાંય હૈયાની વાત હોઠ સુધી આવીને કેમ રહી જાય છે.

સામા મળો છો તમે ત્યારે કહેવાનું મન થઇ જાય છે,

પણ કિસ્મત અમારું એવું તમારો રસ્તો જ ફંટાઇ જાય છે.

દિલ મારું કહે છે કે હાલત તમારી પણ આવી જ હશે,

માટે તો હોઠ તમારા પણ સિવાઈ જાય છે.

હિંમત કરીને આવું ત્યાં તો વાત જ બદલાઈ જાય છે,

ચહેરો તમારો જોઇને મારા શબ્દો પણ ખોવાઈ જાય છે.

ભલે હોય હાલત આપણી આવી છતાંય મારું માનવું છે કે,

આ રીતે જ ધીરે ધીરે દિલ સમીપ આવી જાય છે.

 

આંખોની ભાષા એ સમજી નથી શકતા

હોઠ છે પણ કશુ કહી નથી શક્તા

અમારી લાચારી કેવી રીતે કહીએ,

કોઈ છે જેના વગર અમે રહી નથી શકતા

- Loveable Poet                                   Give Comment

ભૂલો ભલે બીજું બધું, મા બાપને ભૂલશો નહિ

 

ભૂલો ભલે બીજું બધું, મા બાપને ભૂલશો નહિ

અગણિત છે ઉપકાર એના, એહ વિસરશો નહિ

પથ્થર પૂજ્યા પૃથ્વી તણા, ત્યારે દીઠું તમ મુખડું

એ પુનિત જનનાં કાળજાં, પથ્થર બની છુંદશો નહિ

કાઢી મુખેથી કોળીયા, મ્હોંમાં દઈ મોટા કર્યા

અમૃત તણાં દેનાર સામે, ઝેર ઉગળશો નહિ

લાખો લડાવ્યાં લાડ તમને, કોડ સૌ પુરા કર્યા

એ કોડના પુરનારના, આ કોડને ભૂલશો નહિ

લાખો કમાતા હો ભલે, મા બાપ જેથી ના ઠર્યા

એ લાખ નહિ પણ રાખ છે, એ માનવું ભૂલશો નહિ

સંતાનથી સેવા ચાહો, સંતાન છો સેવા કરો

જેવું કરો તેવું ભરો, એ ભાવના ભૂલશો નહિ

ભીને સૂઈ પોતે અને, સુકે સુવડાવ્યા આપને

એ અમીમય આંખને, ભૂલીને ભીંજવશો નહિ

પુષ્પો બિછાવ્યાં પ્રેમથી, જેણે તમારા રાહ પર

એ રાહબરના રાહ પર, કંટક કદી બનશો નહિ

ધન ખરચતાં મળશે બધું, માતા પિતા મળશે નહિ

પળ પળ પુનિત એ ચરણની, ચાહના ભૂલશો નહિ.

 

ખોબે ખોબે દર્દ ના અપો મને,

દર્દો નો સમુંદર લૈ ને બેઠો છુ.

ભિખારી છુ તમારી દોસ્તિ ખાતર,

બાકિ તો હુંય સિકંદર થૈ ને બેઠો છુ...."

- Loveable Poet                                   Give Comment