દરીયો નીકળ્યો

માછલી સાથે જ દરીયો નીકળ્યો,

લ્યો ઋણાનુબંધ પાછો નીકળ્યો.

 

હુંજ મારા ભાર થી થાકી ગયો,

હું હતો એ 'હું' જ ખોટો નીકળ્યો.

 

ચાંદની સમજી અમે મુઠ્ઠી ભરી,

મૂઠ ખોલી ત્યાંજ તડકો નીકળ્યો.

 

સાંજ પડતાંયે ફર્યુ ના એટલે,

શોધવા પંખીને માળો નીકળ્યો.

 

આશરો કેવળ નદીને જ હતો,

એક સાગર એય ખારો નીકળ્યો.

 

આગીયાઓ ઉજળા છેકે પછી-,

વેશ બદલી સૂર્જ ઊડતો નીકળ્યો.

 

થોભવાનો થાક વસમો હોય છે,

માર્ગ સમજ્યો એ ઉતારો નીકળ્યો

- Loveable Poet