દીકરીને અગ્નિદાહ આપ્યો તે પહેલા ઈશ્વરને
બે હાથ જોડીને કહ્યું હતું સાસરે વળાવતો હોઉં
એવી જ રીતે મારી દીકરીને વિદાય કરું છું,
ધ્યાન રાખીશને એનું?
અને પછી મારામાં અગ્નિદાહ દેવાની તાકત આવી,
લાગ્યું કે ઈશ્વરે વેવાઈપણું સ્વીકારી લીધું…!
એને અગ્નિદાહ આપીને પાછો ફર્યો ત્યારે પત્નીએ
આંગણામાં પાણી મૂક્યું હતું…
નાહી નાખવાનું હવે દીકરીનાં નામનું…!
પત્નીની વારેવારે ભરાઈ આવતી આંખો
એક નિસાસો નંખાય જાય છે…ઈશ્વર, દીકરી સોંપતા પહેલાં
તારા વિશે તપાસ કરાવવાની જરુર હતી,
કન્યાપક્ષના રિવાજો ને તારે માન આપવું જોઈએ,
દસ દિવસ થઈ ગયાં…અને અમારે ત્યાં પગફેરાનો રિવાજ..
Posts
0 comments:
Post a Comment