Shayad ye mera weham ho mera khayal ho
Mumkin hai mere baad hi mera malal ho
Pachhta raha ho ab mujhe dar se utha ke wo
Baitha ho meri yaad mein ankhein bichha ke wo
Usne bhi to kiya tha mujhe pyar le chalo
Uski gali mein phir mujhe ek baar le chalo
Uski gali ko janta pehchanta hu main
Wo meri qatl gaah hai ye manta hu main
Uski gali mein maut muqaddar ki baat hai
Shayad ye maut ahle wafa ki hayaat hai
Main khud bhi maut ka hu talabgaar le chalo
Uski gali mein phir mujhe ek baar le chalo
Deewana keh ke logon ne har baat taal di
Duniya ne mere paon mein zanjeer daal di
Chaho jo tum to mera muqaddar sanwar do
Yaaron ye mere paon ki bedee utaar do
Ya kheenchte huwe sare bazar le chalo
Us ki gali me phir mujhey ek baar le chalo
Posts
0 comments:
Post a Comment